نظرة عامة على المشروع

المشروع هو عن ادارة المطعم بكل التفاصيل مالتة يعني راح تلكة بيه بال sidebar من تسجل دخول طبعا ( للتوضيح الشرح عام مو مفصل راح ندخل بالتفاصيل شوية ليكدام ) :

• صفحة المراقبة (الي راح ينحط بيها الطلب مال الزبون عن طريق الكاشير)

• المطعم وهو عبارة عن دروب داون بداخلة بيه

  • المطابخ : والي راح نضيف , نعدل , نحذف , نفلتر او نبحث على مطبخ من خلالة
  • القاعات : بهذا المكان حنقسم المطعم الى عدة قاعات مثل قاعة العوائل وقاعة الشباب ...
  • الطاولات : هاي راح تفيدنة من نسوي قاعات راح نحتاج الكل قاعة طاولة وعدد كراسيها وهمينة بيها كل العمليات

• المنتجات : هذا هم دروب داون بداخلة

  • المنتجات المطبوخة : مثل بيض وطماطة او تمن ومرك وغيرها وبيها كل العمليات
  • المجموعات : هاي منا ندخل مجموعات المنتجات المطبوخة مثل المقليات , المشويات ... وغيرها

• الادارة :- هذا بداخلة يتواجد :

  • المستخدمين : منا تسوي كل العمليات مثل الحذف والتعديل والاضافة على المستخدمين
  • الاداور : هاي هنا تخلي البرمشنات الخاصة بكل منص مثل الكاشير الة صلاحية صفحة المراقبة ... وغيرها
  • عمليات النظام : هنا راح تلكة عمليات مثل النسخ الاحتياطي واسترجاع النسخ وتصفير عداد الطلبات
  • التوصيل : هنا راح تكدر تضيف , تحذف , تعدل , تشوف موظفي التوصيل كلهم ويا تفاصيلهم

• التقارير : راح تلكة بداخلة كل انواع التقارير الخاصة بالنظام وراح تشمل

1. حركة المواد
2. تقارير المبيعات
3. تقرير التوصيل
4. تقارير مفصلة
5. تقرير العناصر
6. تقرير المحذوفات

وراح ندخل بتفاصيل كل وحدة ليكدام بالشرح ان شاء الله

• مالية :- بيها بداخلها صفحات تخص المالية وكلها تكدر تسوي بيها CRUD عليهن وهنة :
  • الحسابات
  • المصاريف
  • سندات القبض
  • سندات الدفع

وايضا هم راح يكون الها شرح من نوصل الها

• العامة :- بيها الاتي :
  • تغيير كلمة المرور مال حسابك
  • الطابعة وبيها اضافة طابعة وتعديل وحذف

طبعا هاي نظرة عامة على المشروع وشنو بيه , وليكدام حتشوف شرح الكود مال صفحة صفحة وراح نبدي اول شي بال Structure مال المشروع شلون تم بناءة , وايضا شنو التقنيات المستخدمة بهذا المشروع